Afro 5800 shtetas ukrainas kanë hyrë në vendin tonë në 24 orët e fundit, sipas Policisë Kufitare. Në të njëjtën kohë, 3400 ukrainas janë larguar nga vendi ynë. Shumica e refugjatëve të luftës hyjnë në vendin tonë përmes pikave kufitare “Durankullak” dhe “Urës së Danubit” në Ruse. Nga nesër ata do të mund të marrin një dokument në kufi, me të cilin mund të qëndrojnë legjitimisht në Bullgari dhe të kenë akses në tregun e punës, si dhe të drejtën për arsim, kujdes shëndetësor dhe mbështetje sociale. Refugjatët mund të aplikojnë për mbrojtje ndërkombëtare në pikat kufitare, në njësitë territoriale të Drejtorisë “Migracioni” të MPJ-së dhe në Agjencinë Shtetërore për Refugjatët.