Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Anzhela Todorova nga Vjena: Muzika është një mike që është gjithmonë me mua

Foto: arkiv personal

Ajo është studente në Universitetin Shtetëror të Muzikës dhe Arteve Skenike në Vjenë (MDW) dhe bën studime në klasën e pianistes me famë botërore Lilya Zilberstein. Luan në piano me pasion, mjeshtëri dhe përkushtim. Thotë për vetveten se është kureshtare dhe dëshiron të bëjë shumë gjëra, por muzika është jeta e saj. Ajo quhet Anzhela Todorova dhe është vetëm 22 vjeçe. Ajo ka ulur para pianos që në moshën 5 vjeçe dhe deri më sot ka kaluar një rrugë të gjatë, plot vështirësi, por dhe suksese.

Anzhela jeton dhe bën studime në Vjenë për një vit, por pandemia dhe bllokimi i kufizuan shumë kontaktet e saj me bashkëmoshatarët.

Vajza u diplomua në shkollën muzikore “Ljubomir Pipkov” në Sofje në klasën e pianos të Prof. Milena Mollova dhe më pas i vazhdoi studimet në Universitetin e ri Bullgar /NBU/ sërish nën drejtimin e saj. Deri më tani, pianistja e talentuar ka fituar mbi 20 çmime në konkurse për piano dhe muzikë dhome brenda dhe jashtë vendit. Dhe ajo pretendon se suksesin e saj ia detyron më së shumti mësueseve të saj të preferuara në Shkollën e Muzikës - Prof. Mollova dhe Emilia Kaneva.

Në Bullgari kemi një bazë të mrekullueshme për mësimin e të gjitha lëndëve teorike, si harmonia, solfezhi, ritmi... Me një mësues të mirë do të përfitoni aftësi teknike, por ne kemi diçka më shumë - teorinë. Përveç kësaj, në shumë vende nuk ka shkolla të mesme të muzikës, kurse ne kemi arsim të mesëm muzikor. Pra, baza jonë është e mrekullueshme, ajo gërsheton praktikën dhe përgatitjen teorike.”

Ashtu si shumica e nxënësve të talentuar të Shkollës Muzikore të Sofjes, Anzhela merr pjesë në konkurse që nga mosha fëmijërore. “Kërkohet motivim, dhe ai vjen me sukseset. Konkurset kanë qenë pjesë e jetës sime që në moshën 10-vjeçare”, thotë Anzhela. Ajo kujton daljen e saj të parë në një konkurs. Atëherë ajo e fitoi çmimin e parë dhe special të Virtuozëve të Rinj në Sofje. Vijuan një sërë çmimesh dhe mirënjohjesh muzikore. “Por të them të drejtën, më e rëndësishmja është vetë përgatitja për garën. Sepse duke u përgatitur njeriu zhvillohet”, thotë Anzhela. Vitin e fundit, krahas ushtrimeve të zellshme nën drejtimin e zonjës Zilberstein, Anzhela vjen rregullisht në Bullgari për të luajtur me Prof. Mollova.

“Muzika është një mike që është gjithmonë me mua”, thotë bullgarja. Ajo e do shumë edhe baletin. Vallëzon që nga fëmijëria dhe madje që prej kohësh vallëzon në një grup profesional. I pëlqejnë gjithashtu fotografia dhe sporti.

Por del se muzika jo vetëm mund të japë, por edhe të...  marrë nga njeriu:

“Jam kureshtare për shumë gjëra. Interesohem për patinazh në akull, ski, etj. Por, ky është një rrezik që mund të më kushtojë karrierën time - nëse e thyej krahun, nëse qëndroj disa muaj pa luajtur, është katastrofike. Kam dëshirë të merrem edhe me gjëra të tjera që janë interesante për mua, por të rrezikshme.”

Përgatiti në shqip: Vesella Mançeva

Foto: arkiv, Anzhela Todorova



Последвайте ни и в Google News Showcase, за да научите най-важното от деня!

Më shumë nga rubrika

Kur pushka shndërrohet në flaut – Konstantin Zllatev dhe arti me mesazh për paqe

Para 27 vitesh, pasiguria në të cilën ndodhej vendi ynë, por edhe pasioni për ngjitje, e bëri bashkatdhetarin tonë, Konstantin Zllatev, të marrë çantën mbi supe dhe me rreth 3000 dollarë të niset drejt një ëndrre – të ngjisë ndonjë prej majave..

botuar më 25-03-16 10.05.PD

Iva Jordanova - udhëtimi i jashtëzakonshëm i një gruaje bullgare

Në Ditën Ndërkombëtare të Gruas, ju prezantojmë me atë - një grua bullgare me një arsimim, aktivitet social dhe politik mbresëlënës, e cila ndërton jetën e saj midis Evropës dhe SHBA-së për 20 vitet e fundit, dhe vetëm një muaj më parë në Nju Jork ajo u..

botuar më 25-03-08 8.30.PD
Felix Kanitz(1829-1904)

Felix Kanitz – hartograf i Luftës Çlirimtare Bullgare

Një hartë gjeografike ndihmoi në lindjen e Bullgarisë moderne gjatë Luftës Ruso-Turke të v. 1877-78 Austro-hungarezi Felix Kanitz (1829 – 1904) ishte i pari europianoperëndimor që vizitoi mbi 3200 fshatra dhe qytete bullgare. Përgjatë rrugëve dhe..

botuar më 25-03-03 7.25.PD