Delegacionet ruse dhe ukrainase kanë përfunduar bisedimet në Bjellorusi dhe do të nisen për në kryeqytetet e tyre për konsultime. Parashikohet një rund i dytë bisedimesh. Delegacioni ukrainas deklaroi se janë përcaktuar disa vendime.

Në ditët e fundit që nga fillimi i konfliktit ushtarak në Ukrainë, afro 1400 persona kanë kaluar pikën kufitare Silistra-Călărași në kufirin rumuno-bullgar. Shumica e tyre udhëtojnë drejt Turqisë dhe Greqisë, më pak janë ata që tregojnë në deklaratat e tyre vende të BE-së ose se do të qëndrojnë në Bullgari.

Në vendin tonë po organizohen një sërë fushatash për mbledhjen e fondeve për refugjatët ukrainas. Më shumë informacion mund të gjeni KËTU. 

Rusia ka mbyllur hapësirën e saj ajrore për 36 vende në përgjigje të mbylljes së hapësirës së tyre ajrore për avionët rusë, tha Rosaviatsia. Ndër vendet e përmendura janë ato ballkanike: Shqipëria, Bullgaria, Greqia, Qiproja, Rumania, Sllovenia, Kroacia.

Biznesmeni dhe miliarderi rus Roman Abramoviç ka pranuar ofertën e Ukrainës për të ndërmjetësuar bisedimet për t'i dhënë fund konfliktit midis Rusisë dhe Ukrainës, konfirmoi zëdhënësi i tij.