Presidenti rus Vlladimir Putin shpalli se mori vendim për një operacion special ushtarak në Donbas. Në një fjalim televiziv drejtuar rusëve, ai tha se “republikat popullore të Donbasit iu drejtuan Rusisë për ndihmë”.

Në të gjithë Ukrainën lindore u dëgjuan shpërthime, duke përfshirë edhe në afërsi të aeroportit Borispoll në Kiev. Sipas Ministrisë së Brendshme të Ukrainës ushtarë ka edhe në Odesë, ndërsa forcat e Moskës po përparojnë për në Harkov. Automjete civile po largohen masivisht nga kryeqyteti, Ukraina vendosi gjendjen ushtarake. Autoritetet drejtuan thirrje për të evituar panikun dhe njerëzit të mos dalin nga shtëpitë e tyre.

Presidenti i Ukrainës Vollodimir Zelenskij në gjuhën ruse u bëri thirrje rusëve të mos përkrahin “një luftë të madhe në Evropë” dhe deklaroi, se Kremlini i gënjen se do të çlirojnë Ukrainën. Zelenski tha, se ai u përpoq të telefonojë Putinin, por "nuk kishte përgjigje, vetëm heshtje”.

NATO-ja thirri një takim urgjent virtual të nivelit të lartë për shkak të konfliktit në Ukrainë. Niderlanda do të sigurojë gjuajtës F-35 për Bullgarinë, të cilët të paralajmërojnë shpejt në rast kërcënimi rus, njoftoi Kryeministri i Niderlandës Mark Rjute në një seminar kushtuar konceptit të ardhshëm strategjik të NATO-së.

Ministrja e Jashtme bullgare Teodora Gençovska shtyri vizitën e saj në Kiev caktuar për 24 shkurtin. Ministria e Jashtme bullgare shpalli gatishmëri të evakuojë të gjithë bullgarë nga Ukraina nëse kanë dëshirë. Deputeti me prejardhje bullgare i Palramentit Ukrainas Anton Kisse para BNR gjithashtu i bëri thirrje Sofjes, në rast domosdoshmëria të pranojë gra dhe fëmijë bullgarë nga Ukraina.