Pajisja Liulin - SET, e zhvilluar në Institutin për Kërkime Hapësinore të Akademisë Bullgare të Shkencave, do të fluturojë në kozmos më 19 shkurt. Udhëheqësi i ekipit hulumtues është Prof. Cvetan Daçev. Kjo është pajisja e 23-të e zhvilluar në seksionin e Fizikës Diellore-Tokësore të institutit, e cila do të funksionojë në hapësirë. Është porositur nga kompania amerikane Space Environment Technology (Pacific Palisades, CA, USA) dhe është pjesë e modulit ARMAS (Automated Radiation Measurements for Aerospace Safety). Pas kalimit me sukses të testeve, Liulin-SET do të masë dozën e rrezatimit kozmik të Modulit Eksperimental Japonez, i cili është pjesë e Stacionit Kozmik Ndërkombëtar. Pas një periudhe prej 6 muajsh deri në një vit, ARMAS dhe Liulin-SET i përfshirë në të do të kthehen në Tokë për analizën e të dhënave të grumbulluara. Doza e rrezatimit kozmik është një parametër kyç për shëndetin e kozmonautëve dhe astronautëve në bordin e Stacionit Kozmik Ndërkombëtar, njoftojnë nga Akademisë Bullgare e Shkencave.