Pritet që në një takim më 16 dhe 17 shkurt ministrat e mbrojtjes të NATO-s të nisin një plan për të formuar katër grupe luftarake shumëkombëshe në Evropën Juglindore, njoftoi Reuters. Grupet prej rreth 1000 trupash do të vendosen në Bullgari dhe Rumani, dhe ndoshta në Sllovaki dhe Hungari. Në takim nuk do të merren vendime përfundimtare, megjithëse Franca dhe Bullgaria kanë propozuar të drejtojnë grupe batalioni në Rumani dhe Bullgari.

Sipas diplomatëve në Bruksel, Hungaria dhe Sllovakia nuk duan të provokojnë Rusinë. Në vend të kësaj, NATO-ja mund të mendojë për krijimin e një force shumëkombëshe të udhëhequr nga Franca. Kjo do t'i lejojë trupat aleate të hyjnë dhe të dalin pa qenë të vendosura përhershëm në Evropën Lindore, shtoi agjencia.