Qeveria ka një plan për të tërhequr diplomatët tanë nga Ukraina nëse rreziku i konfliktit ushtarak në rajon rritet. Në një konferencë në parlament, Kryeministri Kirill Petkov tha se nëse është e nevojshme do të dërgohen avionë evakuimi. Petkov mori pjesë në një seancë të jashtëzakonshme të Kuvendit Popullor të thirrur në lidhje me konfliktin Ukrainë-Rusi dhe tensionet mes NATO-s dhe Federatës Ruse.

Sipas fjalëve të Kryeministrit, situata po monitorohet vazhdimisht dhe tani për tani nuk ka shkak për shqetësim. Prandaj për momentin diplomatët nuk do të tërhiqen. Seanca e sotme e jashtëzakonshme në Kuvendin Popullor u mbajt me insistimin e deputetëve të GERB-SDS, të cilët kërkuan nga qeveria dhe krerët e shërbimeve speciale të komentojnë rolin e Bullgarisë në ngjarje.