Në vitin 2021 në Bullgari lindën 58 393 foshnja. Prej tyre 29 921 janë djem dhe 28 472 janë vajza. Shumica e foshnjave lindën në Sofje (13 168), më pak në Vidin të Bullgarisë Veriperëndimore (525). Këto të dhëna publikon Instituti Kombëtar i Statistikave në lidhje me Ditën e Maternitetit në Bullgari, ose siç e quan populli “Babinden” – një nga festat kryesore kombëtare kushtuar “gjysheve mami” – grave që ndihmojnë në lindjen e fëmijëve.

Sipas të dhënave paraprake, në vitin 2020 në vend kishte 1766 mjekë obstetër dhe 3251 mami. Nga të dhënat e publikuara duket qartë se mosha e nënave po rritet gradualisht. Nëse në vitin 1996 mosha mesatare e nënave në lindjen e fëmijës së parë ishte 22.4 vjeç, në vitin 2005 ajo u rrit në 25.2 vjeç dhe në vitin 2020 u bë 27.5 vjeç.