Ai nuk është muzikant, por muzika është jeta e tij. Ai ka shpikur ekzekutimin në bateri në ajër. Tregon për albumet, këngët dhe artistët sikurse  ju tregon për ajrin që thith - pa patos të panevojshëm sentimentalë, por me gjithë vendosmërinë dhe besimin e vlerësimit që ai bën për një pjesë apo tjetrën. Ai është DJ Marten Roberto ose shpendi shumëngjyrësh në "Shtëpinë e Vjetër" /Radion Kombëtare Bullgare/.

Më shumë se 4 vjet ai është një pjesë nga ekipi i programit “Radio Sofja” të Radios Kombëtare Bullgare. Thotë se për herë të parë në karrierën e tij të gjatë si gazetar muzikor, ai e ndien veten pa asnjë kufizim të panevojshëm tregtar kur flet për muzikën, artin dhe për emocionet. Është i bindur se njeriu asnjëherë nuk duhet ta harrojë historinë e tij dhe nga ku është nisur. Dhe ai shumë mirë e mban mend Martin Lepoevin e vogël.

“Deri në 12 vjetorin tim isha sportist, por gjithmonë jam emocionuar shumë nga muzika. Mbase kjo etje dhe emocion ndaj këtij arti qenë të formuar tek unë nga babai im, i cili është një adhurues i madh i muzikës. Kur isha në moshën 13 vjeçe, erdhi momenti në të cilin duhej të vendosja nëse të vazhdoj me sportin ose t’i përkushtohem arsimit tim. Dhe unë vendosa se nuk dua të jem tenist, pavarësisht se për moshën time isha një talent premtues, më i miri në Bullgari. Por, diçka në brendësinë time më la të nënkuptoj se duhet të vazhdoj të mësoj. Në kohën e lirë nga stërvitjet fillova të dëgjoj shumë muzikë dhe kjo zgjoi ...Martenin”.

Ndërrimi i emrit të tij lind në gjimnazin francez në Sofje, në këtë kohë ai fillon të krijojë klasifikimet muzikore javore top 20, të shkruar me përpikëri nëpër fletore, të cilat dhe sot i ruan në shtëpinë e vet. “Ajo të cilën e pëlqeja atëherë vuri themelet e kësaj që jam sot”. Dhe paracakton ëndrrën e tij të madhe të jetë prezantues radiofonik. “Sipas ironisë së fatit, kjo është gjëja e fundit e cila më rastisi”-me buzëqeshje shënon Marten. Pas punës në klube të ndryshme, në kasting agjenci, në televizion dhe shfaqje muzikore dhe roli në filmin e Dimitër Kocevit - Shosho "Lora nga mëngjesi në mbrëmje"  kalova nëpër rrugën e vështirë të ashtuquajturën rrugë old school-me shumë punë. Katër ditë pasi  dhashë dorëheqjen nga kazerma, pata mundësinë të ndihmoja një DJ në një klub në Sofje dhe që atëherë nuk jam ndalur. Pjesa tjetër është histori.

Në kohërat në të cilat ka filluar të punojë si DJ, në Bullgari ka pasur kryesisht klube për muzikë aty për aty-live dhe takimi personal me artistët e mëdhenj të vendit tonë i ka dhënë mundësi ta shikojë muzikën në një mënyrë krejtësisht të ndryshme - emocionuese, pak më muzikore, me një kuptim racional se përse diçka të pëlqen, sipas fjalëve të tij. 

• „Musicology Live“ na takon me disa nga muzikantët më të mirë bullgarë

Si grupe vendase brilante ai përcakton “„Hayes & Y“ и „Innerglow“, kurse të katër albumet e producentit dhe muzikant Evgjeni Ençev-Genata nga „So Called Crew“ janë diçka e paparë  deri në këtë moment tek ne. Në një plan ndërkombëtar ngjarja e vitit për të është grupi Silk Sonic.

Viti i Ri në valët e Radio Sofjes sipas traditës filloi me një disko set dy orësh, i përgatitur nga DJ Marten Roberto.  Kurse për vitin 2022, vetes dhe neve, ai uroi që të duam dhe të jemi të dashur, të jemi të shëndetshëm dhe të buzëqeshim shumë më tepër! Muzika gjithmonë është një fillim i mirë për këtë!

Përgatiti në shqip: Nataniela Vasileva