Muzikantë të dashur bullgarë, gazetarë dhe sportistë të famshëm dolën në skenën e Teatrit Popullor “Ivan Vazov” për të mbështetur edicionin e nëntëmbëdhjetë të nismës bamirëse “Krishtlindjet bullgare”. Iniciativa mbahet nën patronazhin e kreut të shtetit. “Mbështetja për “Krishtlindjet Bullgare” është një shprehje simpatie jo vetëm për fatin e fëmijëve në nevojë, por edhe për përpjekjet e mjekëve që kujdesen për ta dhe të prindërve që janë të përkushtuar për të ardhmen e tyre më të mirë”, shkroi pas koncertit Presidenti Rumen Radev në profilin e tij në Facebook.

Kjo nismë synon të mbështesë trajtimin e qindra fëmijëve, si dhe të sigurojë pajisje të teknologjisë së lartë për pavijonet dhe klinikat e fëmijëve në të gjithë vendin.

Nga presidenca njoftuan se në sajë të nismës shuma e grumbulluar arriti mbi  2 455 000 leva.