Koalicioni “Bullgaria Demokratike” nga shumica në pushtet do të ngrejë para partnerëve të saj çështjen e lustracionit në emërimet, në mënyrë që në ekipet drejtuese të mos ketë persona nga ish Sigurimi i Shtetit. Këtë e njoftoi kryetari i grupit parlamentar të koalicionit Hristo Ivanov.

Shpjegimet mbi këtë temë erdhën pasi katër persona të lidhur me shërbimet e regjimit totalitar u emëruan këshilltarë të Ministres së re të Jashtme, Teodora Gençovska. Një ditë më vonë emrat e tyre si këshilltarë u fshinë nga faqja e Ministrisë së Jashtme.

Hristo Ivanov kërkoi gjithashtu që Ministri i Mbrojtjes Stefan Janev t'i shpjegojë komisionit përkatës parlamentar rezervat e tij ndaj vendosjes së forcave të NATO-s në Bullgari.