Frekuentimi i orëve të mësimit të nxënësve nga klasa 1 deri në klasën e 4, i ndërprerë në shumë shkolla në Bullgari për shkak të sëmundshmërisë së lartë, me shumë mundësi do të rifillojë pas datës 8 nëntor. Sipas informatës së Ministrisë së Arsimit, kthimi në shkollë gjatë valës së tanishme epidemike do të bëhet e mundur gjatë sigurimit të një mjedisi maksimalisht të pa rrezikshëm. Masat parashikojnë një testim falas të nxënësve që nuk kanë qenë të sëmurë apo të vaksinuar (nëse janë në moshën mbi 12 vjeç) dhe vaksinim, dokument për kalimin e sëmundjes ose testim falas të mësuesve të tyre. Nëse prindërit japin pëlqimin që fëmija e tyre të testohet për virusin, ai do të mësojë duke qenë i pranishëm. Me kusht që ata nuk pajtohen - do të mbetet që të mësojë në shtëpi në internet.
“Në Ministrinë e Arsimit dhe Shkencës po bëjmë gjithçka që të krijohet një organizim që testimi i nxënësve nga klasa 1 deri në klasën e 4 të fillojë menjëherë - vuri në dukje përpara Radios Kombëtare Bullgare Maria Gajdarova, zëvendës-ministre e arsimit. Në rastet, kur sëmundshmëria është mbi 750 në 100 000 të bëjmë teste. Ne kemi bërë edhe një anketë për gatishmërinë e shkollave dhe do të përpunojmë rezultatet. Ne pranojmë edhe mendimet e organizatave të prindërve, dëgjojmë çdo mendim dhe çdo pyetje të bërë. E kemi më se të qartë se do të ketë dhe situata, të cilat do të jenë specifike, se kjo është një praktikë e mirë evropiane dhe unë jam e bindur dhe besoj se, prindërit dhe nxënësit në vend mund të krijojnë organizimin e duhur për kthimin e këtyre nxënësve.”
Për nxënësit më të vegjël trajnimi ballë për ballë është me një rëndësi të madhe. Nëse fëmija nuk është në klasë, ai rrezikon të mbetet mbrapa si për nga ana e procesit mësimor, kështu dhe në krijimin e shprehive që lidhen me përvetësimin e njohurive.
“Shqetësimet janë si nga ana e prindërve, kështu dhe nga analizat të cilat i bëjmë, se procesi arsimor është i pacilësueshëm dhe si rezultat - fëmijët nuk dinë shkrim e këndim. Prandaj duhet të mendojmë në dy drejtime - të fusim këto teste për krijimin e një mjedisi të parrezikshëm dhe të punojmë për përgatitjen dhe organizimin e tij. Kur dhe mësuesit, dhe fëmijët janë në një mjedis të tillë, mund të kemi një proces të tillë arsimor. Në rast të kundërt rreziku është mjaft i madh dhe pa teste nuk ka sesi të garantojmë një mjedis pa rrezikues. “
Pjesa më e madhe e prindërve e përshëndetën vendimin, me shpresën se, fëmijët e tyre do të mund të mësojnë përsëri në shkollë mes vërsnikëve të vet.
“Nuk mendoj se kjo masë do të dëmtojë, madje përkundrazi - shënon Maria Angjellova, nëna e një nxënësi nga klasa e dytë. Shpresoj se kjo do të ndihmojë për zbulimin e fëmijëve të sëmurë dhe kështu do të ndalojë shpërndarja e sëmundjes mes bashkënxënësve të tyre dhe familjeve të tyre. Thjesht në mënyrë organizative nuk mund ta përfytyroj sesi do të bëhet, madje nuk kam ankesa edhe sikur të nevojitet të aplikohen dhe teste më intensive. Me rëndësi është që fëmijët të jenë mirë.”
Në shkollën më të madhe në vend , me afro 2400 nxënës - shkolla e kryeqytetit numër 18, “William Gladstone” me studimin e gjuhëve lindore, drejtoresha Veliçka Stojçeva ve në dukje se, akoma në fillim të vitit mësimor mbi 60% nga prindërit kanë përkrahur idenë për testim të nxënësve:
“Tani pamja ka ndryshuar shumë, ka një qartësi më të madhe sa i përket aplikimit të opsioneve të testimit dhe pres që përqindja të jetë më e lartë.Që të ketë një qetësi në sistem, testet janë të nevojshme gjatë sigurimit të një mjedisi të parrezikshëm për fëmijët. Nëse arrihet deri në aplikimin e testeve, ato do të bëhen në fillim të orës së parë të mësimit nga mësuesi përkatës, që të mund procesi të jetë i njëkohshëm për të gjithë nxënësit.”
Përpilues: Darina Grigorova
Përgatiti në shqip: Nataniela Vasileva
Foto: BGNES
Një tjetër donacion i madh për komunën shqiptare të Prespës së Vogël është bërë nga Fondacioni “Kujtesa Bullgare” më 14 shtator në fshatin Globoçeni të Komunës së Pustecit. Fondacioni siguroi një kontejner mjekësor të pajisur plotësisht për fshatin..
Fshati Radevo ndodhet në Bullgarinë Verilindore, jo shumë larg nga kryeqyteti ynë detar dhe po ashtu qytet i madh turistik - Varna, distanca është rreth 30-40 minuta me makinë. Në Radevo ka jo më shumë se 60 banorë, shumica e të cilëve janë mbi 60-70..
Fshati Gomotarci në Vidin ka një histori të çuditshme. Dikur ndodhej në një vend tjetër, kilometra larg nga aty ku është tani. Pasi një murtajë e tmerrshme goditi një pjesë të madhe të banorëve të tij, të mbijetuarit vendosën të digjnin shtëpitë e tyre..
Kujtimet e Bullgarisë në 100 vitet e fundit mund t'i tregojnë 300 gra dhe 96 burra. Në Sofje ka më shumë njëqindvjeçarë, sipas të dhënave të..
Fermerët në Europë vazhdojnë të përballen me vështirësi dhe sprova të mëdha, si në treg ashtu edhe për shkak të ngjarjeve të jashtëzakonshme që ndikojnë..
Interesi për të studiuar jashtë te të rinjtë bullgarë po rritet - me 30% më shumë krahasuar me një vit më parë, dhe numri i studentëve që largohen..