Biljana Dudova fitoi titullin e Kampionit Botëror në Mundjen e grave në kategorinë deri në 59 kg. Në finalen e Kupës së Botës në Oslo, bullgarja mposhti Akie Hanai nga Japonia me rezultat 6: 4. Ky është titulli i parë botëror për Dudovën. Ajo ka fituar gjithsej katër tituj evropianë të grave në karrierën e saj, si dhe një medalje argjendi nga Kupa Botërore 2018. Sportistja 24 vjeçare nga klubi “Sportisti i Rillës” (“Rillski Sportist”) fitoi medaljen e saj të fundit të artë evropiane në Kampionatin Evropian në Varshavë më herët këtë vit.

Titulli i Dudovës është i pari për Bullgarinë në Kampionatin Botëror të Mundjes pas vitit 2018. Kjo është medalja e vetme për ekipin bullgar në garat në Oslo deri më tani.