Kapaciteti i qendrave të refugjatëve në Bullgari është deri në 5 160 persona. Për momentin janë akomoduar 1364 persona, që është 26% prej kapacitetit të qendrave, tha për Radio Sofjen Pllamen Penov, drejtor i Qendrës së Refugjatëve në Sofje “Voenna Rampa” (“Rampa Ushtarake”). 629 refugjatë janë akomoduar në kryeqytet, kapaciteti i plotësuar është 31%.

"Nuk mund të bëhen krahasime me 2015-2016, kur qendrat tona ishin plot," tha Penov. Sipas tij, Agjencia e Refugjatëve ka zhvilluar një plan në rast të rritjes së presionit migrues. Pranimi mund të rritet me akoma 1000 persona të tjerë. Të vendosurit në qendra mund të ecin lirshëm jashtë tyre. Në verë kjo mund të bëhet në harkun kohor midis 6:00 dhe 22:00. Kontrollet bëhen në mbrëmje. Pas muajit të tretë të qëndrimit, emigrantët mund të fillojnë të punojnë.