Partia fituese “Ka një popull të tillë” – ITN, nuk do të nënshkruajë marrëveshje me grupet parlamentare, nga të cilat pret mbështetje për formimin e një qeverie, por është e gatshme të vazhdojë negociatat për të përcaktuar përparësitë, tha deputeti Stanisllav Ballabanov. Sipas tij, deklarata e prioriteteve të kabinetit të ardhshëm të ITN, e lexuar dje nga tribuna parlamentare, është një dokument legjitim dhe nuk ka nevojë për marrëveshje me shkrim. Deputeti shtoi se partia e tij është e gatshme të vazhdojë negociatat dhe dera nuk është e mbyllur për askënd. I pyetur nëse është e mundur të formohet një kabinet pa një marrëveshje të nënshkruar mbi politikat kryesore, kryeministri i nominuar Pllamen Nikollov u përgjigj: “Do të shohim”.