Sot, Presidentja e Komitetit Olimpik Bullgar Stefka Kostadinova feston një çerek shekulli të fitimit të arit olimpik në koleksionin e saj. Ngjarjet nga data 3 gusht 1996, të cilat kanë rastisur gjatë natës së zjarrtë përpara 85 000 spektatorëve në “Stadiumin Centennial “në Atlanta janë mes më dramatiket dhe të lavdishmet në historinë e sportit botëror dhe bullgar. Për lojërat Atlanta 1996, mbajtësja e rekordeve botërore në kërcimin së larti Stefka Kostadinova niset me kuptimin e qartë se, ky është shansi i saj i fundit për një titull olimpik. Përsëri ajo është një hegjemone absolute - mbërrin në Shtetet e Bashkuara, pasi 20 herë kapërcen 205 centimetra, derisa që të gjithë të tjerët për të gjitha kohërat e kanë bërë atë vetëm 5 herë. Megjithë epërsinë e 11 viteve të fundit, ajo është e vetëdijshme se nuk do të jetë e lehtë, por është absolutisht e gatshme të bëjë gjithçka për të përqafuar ëndrrën e saj.
Kualifikimet kalojnë pa probleme me vend të parë në grup dhe asnjë faull. Por, në final fati i sjellë pengesën e papritur të radhës në personin e grekes Niki Bakojani, e cila bën garën e saj të jetës. Dhe përsëri, ashtu si përpara 8 vjetëve, kur në Seul Kostadinova mbetet e dyta, lartësia 203 centimetra rezulton të jetë rubikoni. Deri më 201 centimetra Stefka, Bakojani dhe Inga Babakova ecin në paketë, ku bullgarja dhe ukrainasja janë në krye sepse nuk kanë gabime. Në 203 centimetra Babakova bie nga gara, por Bakojani nga prova e tretë e përmirëson rekordin grek...Stefka po kështu i kapërcen 203 centimetrat akoma gjatë provës së parë dhe akoma është në krye. Shkopi ngrihet në 205 centimetra - këtu grekja dorëzohet, kurse Kostadinova kapërcen lartësinë me sukses dhe tanimë askush nuk mund t’i marrë floririn.
9 vjet pasi vendos rekordin e patejkalueshëm botëror në kërcimin së larti (209 centimetra në Romë) Stefka Kostadinova shton në koleksionin e saj prej medaljeve dhe dekoratën e vetme, e cila i mungon. Me floririn në Atlantaa sportistja bullgare e atletikës së lehtë hyn në klubin e të famshmëve botërorë dhe u bë një nga më të mëdhatë në historinë e sportit.
Redaktore: Elena Karkallanova/në bazë të materialit të BNR-“Horizont”/
Përgatiti në shqip: Nataniela Vasileva
Ylli olimpik i taekuondosë me origjinë nga Irani, Kimia Alizadeh, i solli Bullgarisë një titull evropian në garën e saj të parë nën flamurin bullgar. Iraniani i natyralizuar së fundmi fitoi medaljen e artë në kategorinë 62 kg në Kampionatin e..
Bullgari më i suksesshëm në tenis, Grigor Dimitrov, e nisi pjesëmarrjen në turneun “Masters” në Romë me fitore ndaj japonezit Yoshihito Nishioka me 7:5, 6:4 për 1 orë e 39 minuta lojë. Kundërshtar i Dimitrov në raundin e tretë do të jetë..
Një ekspozitë prej 60 fotografish me momentet më të paharrueshme të sportit bullgar dhe atij ndërkombëtar të viteve të fundit mund të shihet nga 10 deri më 21 maj në një galeri të hapur në "Urën e të Dashuruarve" pranë Pallatit Kombëtar të Kulturës në..