Tema e Ballkanit Perëndimor u prek në një takim në Salzburg midis Presidentit Rumen Radev dhe homologut të tij austriak Alexander Van der Belen.

"Bullgaria është mbështetësi më i fortë i zgjerimit të BE, por ajo nuk mund të lejojë shkeljen e të drejtave të qytetarëve të Maqedonisë Veriore që kanë vetëdije bullgare," theksoi Radev.

Presidenti bullgar vuri në dukje se Austria është një partner kryesor tregtar dhe investitor në Bullgari. Në vitin 2020 tregtia midis dy vendeve tona arriti 1.358 miliardë euro, ndërsa investimet austriake në Bullgari janë 319.2 milion euro.

Sa i përket ekzistencës së një Bashkimi Evropian, i cili të jetë neutral nga pikëpamja klimatike, të dy ranë dakord që kufizimi i emetimeve të gazeve serë do të jetë në dobi të mjedisit dhe shëndetit të njeriut. "Mirëpo, tranzicioni duhet të jetë i drejtë për të gjitha vendet anëtare dhe të mos shkaktojë kolaps energjetik ose ekonomik në vendet më pak të zhvilluara," tha Radev.