Fshati Beli Osëm (Bullgari Veriore) në rajonin e Trojanit tërheq turistët me natyrën e tij të bukur, zanatet e ruajtura dhe gjellët e shijshme. Mirëpo, shumë pak janë njerëzit, të cilët e dinë se fshati, i zhytur në gjirin e malit Stara Pllanina, është i lidhur me një tragjedi që tronditi botën në fillim të shekullit të 20-të. "Zbuloni botën e re në Tokë!", "Shkoni në Amerikë - djepi i prosperitetit" - këto thirrje, të ngjitura në rajonin e Trojanit, ndryshuan fatet e dhjetëra bashkatdhetarëve tanë. Viti ishte 1912. Në një radhë të gjatë për biletën e shumëpritur për anijen më të madhe në botë - "Titanik", para zyrës së agjencisë së udhëtimeve ndodhej 16-vjeçari Kaljo Nenov.
Rrugëtimi drejt së ardhmes së ndritshme përfundoi vetëm për 2 orë dhe 40 minuta, më 15 prill të vitit të njëjtë, me zhytjen tragjike të anijes. Vdiqën rreth 1500 pasagjerë dhe anëtarë të ekuipazhit. Numri i saktë i bullgarëve në bord nuk është i qartë edhe sot e kësaj dite - sipas të dhënave të “Lloyd” bullgarët e vdekur në Titanik kanë qenë 38. Supozohet se rreth 15 bullgarë kanë mbijetuar, por shumica kanë mbetur në Amerikë.
Por kjo nuk i përket protagonistit të historisë sonë – Kaljo Nenov. Çfarë është fati i tij, si ka mbijetuar pas tragjedisë dhe pse shtëpia e tij sot është shndërruar në një kompleks etnografik me një koleksion unik muzeor, e cila tërheq turistë në malin e Trojanit – këtë do të mësoni nga botimi “Gjurma bullgare në tragjedinë “Titanik” tërheq turistë në malin Stara Planina“ nga koleksioni i Radio Bullgarisë.
Përpiloi: Vesella Krësteva
Përgatiti në shqip: Vesella Mançeva
Të shtunën para së Djelës së të Lidhurit të Mishit bullgarët ortodoksë përkujtojnë të vdekurit. Është një nga tre të Shtunat e Shpirtrave që të krishterët orthodoksë festojnë çdo vit, para fillimit të Krishtlindjeve, Kreshmës së Madhe dhe Pendikostisë...
Në kishën ruse "Shën Nikollaj Mirlikijski” u nderua solemnisht kujtimin e Shën Serafimit të Sofjes. Shërbesa u kryesua nga Peshkopi i Melnikut Gerasim në bashkëpunim me kreun e kishës At Vlladimir Tishçuk dhe priftërinj nga kishat ortodokse bullgare..
Më 19 shkurt mbushen 151 vjet nga vdekja e Vasill Levskit. Të shumta janë veprat popullore kushtuar Apostullit të Lirisë Bullgare. Në fondin e pasur të Radios Kombëtare Bullgare (BNR) ruhen një sërë këngësh të cilat na e mbajnë të gjallë..