Sipas një sondazhi të Agjencisë “Mediana”, kryer me fondet e veta, parlamenti i ardhshëm do të përbëhet nga 7 forca politike. 24 për qind e votuesve do të votonin për “Ka një popull të tillë”, ish-sundimtarët nga GERB do të ishin të dytët me 21.4 për qind, “BSP për Bullgarinë” mban vendin e tretë me 21.3 për qind dhe Lëvizja për të Drejtat dhe Liritë do të ishte forca e katërt me 11.2 për qind. Pas tyre do të radhiteshin “Bullgaria Demokratike” me 7.2 për qind dhe “Ngrihu! Kriminelët jashtë!” me 6.9 për qind. “Patriotët Bullgarë - VMRO, Volja dhe Fronti Kombëtar për Shpëtimin e Bullgariës (NFSB)”, të cilat deri më tani ranë nën vijën për hyrjen në parlament, do të fitonin 5.1 për qind.

Agjencia parashikon aktivitet të rritur në zgjedhjet e parakohshme parlamentare, pavarësisht nga sezoni i verës. Një nga konkluzionet e sondazhit është se qeveria e përkohshme “në tërësi” merr vlerësime kryesisht pozitive, të cilët janë në kontrast të plotë me vlerësimet e kabinetit të mëparshëm.