Historia e festës daton që nga Konferenca Botërore për Shëndetin e Fëmijëve në Gjenevë në vitin 1925, e cila miratoi Deklaratën e të Drejtave të Fëmijëve pavarësisht racës, kombësisë dhe fesë. Nuk ka informacion të saktë se pse është zgjedhur data 1 qershor, por një nga supozimet është se ajo ka të bëjë me festivalin kinez të varkave të dragoit Duan Wu Jie. Në vitin 1925 jetimët kinezë u ftuan në festivalin, i cili u zhvillua më 1 qershor dhe data përkoi me Konferencën e Gjenevës.

Në Bullgari 1 qershori u bë festë zyrtare pas një dekreti të Mbretit Boris III në vitin 1927.

Në vitin 1949 Moska shpalli 1 qershorin Ditë Ndërkombëtare të Fëmijëve dhe në vitin tjetër 1950 ajo festohej tashmë në 51 vende të botës, shumica prej tyre pjesë e ish-bllokut socialist. Pas ndryshimit të sistemit politik në këto vende /1989/ festa u ruajt, përfshirë në Bullgari.

Ngjarje dhe festime të ndryshme për të vegjlit organizohen sot në të gjithë Bullgarinë. Në kryeqytet Kopshti i Qytetit përpara Teatrit Kombëtar “Ivan Vazov” dhe hapësira para Pallatit Kombëtar të Kulturës /NDK/ janë dy nga vendet kryesore për argëtim për fëmijët.

Radio Kombëtare Bullgare /BNR/ është gjithashtu pjesë e programit të festave për 1 qershorin. Media publike i ka ftuar fëmijët për një festë të posaçme me rastin e 1 qershorit në oborrin para godinës së BNR-së.

Për here të parë që prej muajsh para publikut do të këndojë grupi vokal “Radio Deca” /Radio Fëmijë”/.