Kujt i shërbehet ligji i paraqitur nga “Bullgaria Demokratike”, me të cilin kërkohet ndalimi i të gjitha 700 paditë e ngritura në gjykatë nga “Komisioni Antimafia”? Këtë e pyeti në Facebook Desisllava Atanasova, kryetare e grupit parlamentar të GERB-SDS. Paditë kanë të bëjnë me 1 600 persona dhe pretendimet janë për pronë prej mbi 1.5 miliardë eurosh, shtoi Atanasova.

Ajo gjithashtu publikoi një listë të shkurtër të pretendimeve më të rëndësishme: kundër bankierit të arratisur Cvetan Vasilev - 1 miliard euro; familjes Banevi - 70 milion euro; familjes Arabaxhievi - 175 milion euro; biznesmenit Minjo Stajkov - 65 milion euro; biznesmenit të arratisur Vasill Bozhkov - 100 milion euro; biznesmenit Ivo Prokopiev - 100 milion euro.