Një aktualizim i buxhetit mund të jetë i nevojshëm vetëm nëse situata pandemike përkeqësohet, tha në Parlament Ministri i Financave në dorëheqje Kirill Ananiev.

Për të luftuar Covid-19 që nga fillimi i krizës deri më 31 mars 2021 shteti ka dhënë 2.6 miliardë euro. 920 milion euro janë përdorur për të mbështetur ekonomitë familjare, 1.13 miliardë euro - për bizneset dhe 560 milion euro për ata që përfshihen drejtpërdrejt në kontrollimin e pandemisë. Rezerva fiskale është 4.35 miliardë euro. 1.8 miliardë euro prej tyre janë mjetet në Fondin e Pensionit. Për tremujorin e parë të vitit 2021 thesari ka një deficit prej 0.5% të PBB-së.

Plani kombëtar për futjen e euros është në një fazë të përparuar për të përmbushur afatin e fundit për përgatitjen - 30 qershor 2021, tha ministri. Ananiev theksoi se data për anëtarësimin në bashkimin monetar mbetet 1 janari 2024.