Gjatë ditës së fundit të punës nga java e kaluar qeveria në dorëheqje paraqiti në Kuvendin Popullor një projekt-plan për rindërtimin e Bullgarisë. Tema u bë shkak për polemika të pafund mes deputetëve të porsazgjedhur. Disa nga forcat politike e akuzuan shumicën se nuk ka qëllime konkrete, specifike dhe të arritshme, të cilat mund të rivendosin ekonominë e Bullgarisë. Nga ata e tyre, organizatat e përfaqësuara kombëtare të punëdhënësve, punëtorëve dhe nëpunësve në Bullgari kërkuan që të konfirmohet konsensusi publik mbi Planin Kombëtar të Rimëkëmbjes dhe Qëndrueshmërisë së Bullgarisë /2021-2027/. Prandaj ata presin që gjatë kësaj jave të takohen me liderët e të gjitha partive të prezantuara parlamentare. Tema është mbipartiake dhe vlen për tërë shoqërinë si tërësi - thuhet në thirrjen e biznesit dhe të organizatave sindikale ndaj forcave politike. Ata nënvizojnë se vendi ynë duhet të pranojë planin e vet deri në fund të muajit prill të vitit 2021. Në rast të kundërt ka një rrezik real të mos zbatohet afati për parashtrimin dhe shqyrtimin e planit, kurse kjo do të vonojë shumë marrjen e fondeve evropiane antikrizë në ndihmë të biznesit dhe të ekonomive shtëpiake.
Ndaj tremujorit të parë të vitit 2021 buxheti republikan raporton për një deficit prej mbi 650 milionë levash, gjë e cila nuk ka ngjarë që nga vitit 2014 e këtej. “Kjo vë nën pyetje mundësinë që buxheti të vazhdojë të financojë masa për mbështetjen e ekonomisë, të punësimit dhe të ardhurave” - thonë akoma sindikatat, punëdhënësit dhe biznesi, në fjalimin e tyre drejtuar deputetëve.
“Mbi 50% nga biznesi në vend pret kthimin e ekonomisë sonë në nivelet nga viti 2019, që aty rreth vitit 2022. Prandaj ka ardhur momenti të pyesim nëse do të vazhdojë të ketë biznes në Bullgari. Lajmi i mirë është se Plani Kombëtar i Rimëkëmbjes dhe Qëndrueshmërisë është i depozituar dhe se lejon që të mund të modelohet dhe të redaktohet në të ardhmen” - vuri në dukje Vasill Velev, Kryetar i Bordit të Shoqërisë së Kapitalit Industrial në Bullgari.
Biznesi dhe sindikatat tanimë kanë formuluar propozimet e veta dhe këmbëngulin që ato të regjistrohen deri më 30 prill. Në to është parashtruar zhvillimi i fondeve - për një modernizim teknologjik, për “tranzicion të gjelbër” dhe digjitalizim, për të cilat këmbëngulin që të parashikohen mbi 1 miliardë leva shtesë.
“Ka se ku Bullgaria të dojë të zgjerojë përkrahjen e vet”, mendojnë nga Konfederata e Sindikatave të Pavarura në Bullgari. Presidenti i saj Pllamen Dimitrov iu referua një analize të Fondit Monetar Ndërkombëtar, sipas të cilit përmasa e të gjitha masave në Bullgari del në 8 miliardë leva, për periudhën nga marsi i vitit 2020 deri tani, që është afro 7% nga Produkti i Brendshëm Bruto për vitin 2019.
Biznesi këmbëngul dhe për zgjatjen e masave antikrize deri në fund të këtij viti dhe të gjenden akoma 1 ½ miliardë leva, përmes fondeve të huazuara për të hapur burime shtesë për ekonominë. Qortimi i sektorit joqeveritar është se deri në këtë moment shteti u mbështet vetëm tek grantet, dhe fondet për kredi në vlerë prej 4 ½ miliardë euro, për të cilat ka të drejtë vendi ynë, madje mbeten të paprekura.
“Kjo do të thotë se Bullgaria madje nuk parashikon për të thithur hua - sqaroi Pllamen Dimitrov, President i Konfederatës të Sindikatave të Pavarura në Bullgari. Kurse ne këmbëngulim të marrim nga këto kredi me interes të ulët dhe afatgjatë 30-vjeçar dhe me to të ristrukturojmë programet e brendshme. “
“Sindikatat, punëdhënësit, përfaqësuesit e biznesit janë njerëzit, të cilët më mirë dinë se çfarë ngjan në këtë shtet”, është kategorik kryetari i sindikatës tjetër të madhe Konfederata e Punës “Podkrepa” Dimitër Manollov.
Përgatiti në shqip: Nataniela Vasileva
Festivali i pestë i Peshkut dhe i Verës do të mbahet nga 5 deri më 8 shtator në qytetin tonë bregdetar Burgas. Veprimtaria do t'u ofrojë banorëve dhe mysafirëve të qytetit një shumëllojshmëri prodhimi të kuzhinës dhe verës, një program muzikor dhe..
Nominimet për eurokomisioner bullgar u shpallën në sfondin e zëvendësimit të qeverisë së parë provizore të kryeministrit Dimitër Gllavçev me atë të dytë, në sfondin e një krize të thellë partiake në dy nga forcat politike tradicionale në Bullgari -..
Baza Bullgare në Antarktidë u krijua në vitin 1988. Që nga viti 1993 me dekret të presidentit Zhelju Zhelev e mori emrin e Shenjtorit Kliment Ohridski. Që atëherë e deri më sot, në bazën e vendosur në ishullin Livingston, shkencëtarët bullgarë të..
Kujtimet e Bullgarisë në 100 vitet e fundit mund t'i tregojnë 300 gra dhe 96 burra. Në Sofje ka më shumë njëqindvjeçarë, sipas të dhënave të..
Fermerët në Europë vazhdojnë të përballen me vështirësi dhe sprova të mëdha, si në treg ashtu edhe për shkak të ngjarjeve të jashtëzakonshme që ndikojnë..
Interesi për të studiuar jashtë te të rinjtë bullgarë po rritet - me 30% më shumë krahasuar me një vit më parë, dhe numri i studentëve që largohen..