Një anije e re e specializuar, e ndërtuar për Agjencinë e Studimit dhe Mirëmbajtjes së Lumit Danub (AKMLD), do të pastrojë lumin Danub në sektorin bullgaro-rumun, njoftoi BTA. Impianti i ri, i montuar nga një kompani holandeze, vlen më shumë se 3 milion euro. Ai do të mbërrijë në qytetin Ruse në fund të muajit përmes kanalit Rhine-Main-Danube. Dorëzimi është pjesë e projektit “Modernizimi dhe optimizimi i aktiviteteve për rehabilitimin e rrugës ujore në pjesën e përbashkët bullgaro-rumune të lumit Danub”, në kuadrin e Programit Operativ “Transporti dhe Infrastruktura e Transportit”. Në kuadrin e projektit me vlerë totale prej mbi 10 milion euro gjithashtu do të ndërtohen edhe disa impiante të tjera, një urë e lëvizshme dhe një anije manovruese për nevojat e AKMLD.