Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Banuesit e fshatit Botevo kanë besim tek Zoti për ringjalljen e fshatit të tyre

Foto: BNR-Vidin

Rreth 50 banues po e mirëmbajnë jetën në Botevo. Në truallin e fshatit Botevo (Bullgari Veriperëndimore) në rrethin e qytetit Vraca, së pari janë vendosur trakët, pas kësaj kanë ardhur romakët, kurse pas Çlirimit banuesit e tij  kanë hapur shkollë me 30 djem dhe 16 vajza. Sot nuk ka fëmijë - banuesi më i ri është në moshën 50 vjeçare, kurse mosha mesatare afron 75 vjeç. Dhe nëse nuk vazhdon të vijë ndonjë i ri, shumë shpejt vetëm kronikat do të rikujtojnë për ekzistencën e fshatit dhe të njerëzve të tij.

Ne jemi të shkëputur nga bota - tregon kryetarja e dikurshme e fshatit Joshka Mihajllova. Që të shkojmë deri tek qendra e bashkisë, duhet të gjejmë ndonjë që të na çojë, sepse autobus nuk ka. Nëse ambulanca nuk vjen - e njëjta gjë. Ne duam shumë pak - të kemi korrent, ujë, mjek. Nuk duam kafe, restorante, kinema - vetëm të mund të jetojmë të qetë. Fshatin e kemi shumë të bukur dhe të zgjuar, shumë njerëz të autoritetshëm kanë dalë që këtu. Kurse për të gjithë banuesit Botevo është Bullgaria - duke mos vajtur as gjëkundi, ky është vendi ynë, çfarë gjëje tjetër mund të duam.”

Qëkurse shpërtheu epidemia e koronavirusit asnjë banues i Botevos nuk është sëmurur. Zëvendëskryetarja e bashkisë Sonja Nenkova e shpjegon këtë fenomen me faktin se njerëzit  jetojnë në një bashkësi të mbyllur. Megjithatë, edhe fshati i saj haset me shumë vështirësi.

“Problemet tona më të mëdha janë me kompaninë e shpërndarjes së energjisë elektrike /ÇEZ/ dhe me kompanitë e telekomunikacionit - deklaron ajo. Nganjëherë nuk kemi korrent gjatë gjithë ditës, kurse pa internet gjatë shekullit të 21 duket joreale. Nëse në fshat kishim disa fëmijë, nuk e di sesi do të mund të mësonin online. Kurse sa i përket kompanisë shpërndarëse të energjisë elektrike, problemet vijnë nga rrjeti i paspastruar. Në Botevo dy-tre veta kemi makinë dhe shërbejmë të gjithë fshatin, kur nevojitet. Mjeku tek ne vjen njëherë në javë, kurse bukë na sjellin katër herë. Mundësi për punë nuk ka - vetëm nga bashkia mbi programet për punësim, nëse sigurojnë ndonjë vend pune. Gjithsesi, ky është fshati më i mirë dhe i qetë me pyll, digë, lum. Por, për më tepër me njerëz të zgjuar, inteligjentë dhe të edukuar.”

Në Botevo krenohen me bashkëfshatarët e vet, të cilët kanë arritur suksese në art, mjekësi, në veprimtarinë ushtarake. Mes tyre është 95 vjeçari Sava Conovski, i quajtur klasiku i gjallë i akuarelit bullgar.

“Jam si një shpend shtegtar - gjatë dimrit jam 5 muaj në Sofje në përqafimin e “Ngrohjes Qendrore”, kurse gjatë verës jam shtatë muaj në fshat - thotë piktori. Në Sofje ndihem si një gomar i lidhur në një vend, derisa në fshat është liri. NëBotevo punoj çdo gjë, për shembull kosit lëndinën në oborr. Unë jam fshatar në shpirt dhe e dua shumë fshatin tim të lindjes, e dua fushën me horizontin e saj të largët dhe vijën e ndritshme, e cila e lidh me qiellin, pëlqej natyrën, përpara së cilës përkulem në shenjë nderimi”.

Në Botevo ka lindur dhe Hristo Mermerski, i cili është autor i 13 librave në fushën e ushqimit shërues dhe të shëndetshëm. Djali i tij Jonko Mermerski është profesor në kimi dhe përkthyes në Uashington. Çdo herë kur shkoj në Botevo qaj.


Është shumë gjë e mjerë se nga ky fshat i bukur me shumë zhurmë dhe britma fëmijësh ka mbetur - e thënë në mënyrë tipike për gjuhën tonë të lindjes, një shkretëtirë. Çdo gjë është e pushtuar nga gjelbërimi, sikurse asnjëherë këtu nuk ka pasur jetë. Shpresoj sinqerisht që të paktën Zoti në ndonjë farë mënyre të na ndihmojë që kjo krahinë të ringjallet.”

Përpiloi: Diana Cankova /në bazë të intervistave të Katja Borisovës dhe Nedka Lillkovës nga BNR-Vidin/

Përgatiti në shqip: Nataniela Vasileva

Foto: BNR-Vidin




Последвайте ни и в Google News Showcase, за да научите най-важното от деня!

Më shumë nga rubrika

Bullgaria dhe Rumania po punojnë për të përmirësuar lundrimin në Danub

Kushtet për lundrim në lumin Danub do të përmirësohen përmes projektit evropian DISMAR me vlerë 10 milionë euro, njoftoi BTA, duke cituar drejtorin ekzekutiv të agjencisë ekzekutive "Kërkimi dhe mirëmbajtja e lumit Danub" (IAPPD) në Ruse, Ivelin Zanev...

botuar më 24-06-29 10.30.PD

Kisha e vetme me emrin e Shenjtorëve Pjetri dhe Pali në Sofje

Ashtu si një jetë njerëzore 90-vjeçare, fati i kishës metropolitane “Shën Apostuj Pjetër dhe Pali” është i mbushur me ulje-ngritje, me mundime, por edhe me shpëtim. Kjo është ndoshta një nga kishat më pak të njohura në Sofje dhe në të njëjtën kohë e..

botuar më 24-06-29 6.30.PD

Festojmë Ditën Kombëtare të Shqiponjës

Ornitologët dhe dashamirësit e shpendëve festojnë sot Ditën Kombëtare të Shqiponjës. Me këtë rast përfaqësues të Shoqatës Bullgare për Mbrojtjen e Shpendëve prezantojnë para publikut të gjerë fakte interesante për jetën e llojeve të ndryshme të..

botuar më 24-06-27 9.17.PD