Pas një prove të gjatë, sistemi për shërbime elektronike të Ministrisë së Jashtme Bullgare do të nisë nga puna në çdo moment. Përmes saj shtetasit bullgarë do të jenë në gjendje të aplikojnë për letërnjoftime dhe pasaporta online. Këtë e tha në një intervistë për gazetën "24 Çasa" Ministrja e Jashtme Ekaterina Zaharieva.

Duke përgjithësuar mandatin e saj, Zaharieva kujtoi se 4 vjet më parë, pagesa për shërbimet administrative në ministri bëhej vetëm përmes pullave të tarifave. Sot në të gjitha shërbimet brenda dhe jashtë vendit paguhet përmes terminaleve elektronikë, theksoi ministri. Gjithashtu për lehtësimin e qytetarëve, shërbimet apostile janë tashmë të disponueshme në të 28 qendrat rajonale, dhe jo vetëm në kryeqytet, siç ishte 4 vjet më parë.