Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Presidenti bullgar ka ndërmend të kandidohet për mandat të dytë

Foto: BGNES

Presidenti Rumen Radev deklaroi se do të kandidohet bashkë me nënpresidenten Ilijana Jotova për mandat të dytë. Në një konferencë për shtypin lidhur me vjetorin e katërt të hyrjes së tij në detyrë kreu i shtetit kërkoi reforma në Kodin Elektoral, azhurnimin e listave të votuesve, transmetimin në kohë reale të numërimit të protokolleve nga votat, votim në distancë për bullgarët jashtë vendit, qasjen e drejtë në media. Radev njoftoi se ekipi i tij po përgatit ndryshime në Kushtetutë, të cilat ai do t'i propozojë parlamentit të ri dhe përgjithësoi:

“Viti 2020 ishte vit i zgjimit bullgar. Besimi te qeveria dhe parlamenti dështoi. Pavarësisht nga pandemia dhe liria e mbytur, bullgarët dolën në rrugë dhe deklaruan kategorikisht vullnetin e tyre për ndryshim. U shfaqën parti dhe lëvizje të reja politike, zgjedhjet e ardhshme parlamentare muajin prill  i vendosin qytetarët bullgarë në një dilemë për të pranuar ose refuzuar modelin e sotëm të pushtetit - të korruptuar dhe prapa skenës, shtypës dhe shpërdorues, të padrejtë ndaj bullgarit të zakonshëm.”

Gjatë këtij viti të turbullimeve institucioni presidencial vazhdoi të mbrojë interesat e bullgarëve, tha Radevi dhe kujtoi se që në fillim të vitit e hoqi besimin ndaj qeverisë për shkak të korrupsionit dhe shkeljes së lirive të qytetarëve. “Protestat që u shpërthyen gjysmë vit më vonë ripohuan drejtësinë e pozitës sime”, shtoi presidenti.

Zhvillova një sërë bisedimesh telefonike me liderët ballkanikë. Gjatë këtij viti Bullgaria mori kryesinë e iniciativës “Tri Dete”. Ajo ka për qëllim të përshpejtojë zhvillimin ekonomik të regjionit me konektivitet më të madh dhe të afrojë Perëndimin dhe Lindjen e BE-së. Bullgaria si vendi më i prapambetur në BE duhet të përfitojë nga kjo mundësi. Si rezultat i partneritetit intensiv me ShBA-në së shpejti do të firmosim marrëveshjen për bashkëpunim tekniko-shkencor”, tha kreu i shtetit.

Presidenti  Rumen Radev theksoi si prioritet në punën e vet mbrojtjen e superioritetit të ligjit. “Pavarësisht se u hodhën poshtë pesë nga shtatë vetot që vendosa, reagimi i ekspertëve dhe shoqërisë konfirmoi drejtësinë e tyre”, shtoi kreu i shtetit.

Sipas tij mungesa e masave me kohë dhe adekuate në kohën e krizës së koronavirusit sollën pasoja të rënda në situatën shëndetësore, sociale dhe ekonomike në vend. Radev theksoi se bashkë me ekipin e tij propozuan pesë projekte të lidhura me fusha të rëndësishme si arsimi, energjetika, shëndetësia dhe pret përgjigje të shpejtë nga ana e Këshillit të Ministrave.

Rumen Radev theksoi punën e nënpresidentes Ilijana Jotova dhe më në veçanti iniciativat e lidhura me bullgarët jashtë shtetit. “Diasporat tona janë thesari ynë kombëtar, që duhet të zhvillojmë” tha ai. Si rezultat i punës aktive të nënpresidentes Jotova dhe të ekipit të saj u zgjerua rrjeti i bashkësive bullgare në Amerikën Latine (Uruguain, Meksikën, Perunë), Azinë dhe Australinë. U vendosën lidhje edhe me diasporat tradicionale historike bullgare, tha Radevi dhe shtoi:

“U zhvillua një veprimtari aktive koordinuese për ruajtjen e integritetit territorial të rajonit bullgar në Ukrainë. Po kështu nënpresidenti vazhdon të bëjë përpjekje të mëdha për të ardhmen e Universitetit Taraklijski në Moldavi, kështu që një ditë ai të bëhet filial i Universitetit në qytetin Ruse. Një energji e madhe inspiroi iniciativa nënpresidenciale me rastin e 1 nëntorit dhe qindra bullgarë nga e gjithë bota shkruan për “Bullgarinë e Zgjuar”.

Përgatiti në shqip: Svetllana Dimitrova



Последвайте ни и в Google News Showcase, за да научите най-важното от деня!

Më shumë nga rubrika

Ngjarjet me adresë ballkanike

Stërvitje e NATO-s në Ballkan pa pjesëmarrjen e Pentagonit, për shkak të qasjes së re të SHBA-së NATO po teston aftësinë e saj për t'u vendosur me shpejtësi në Evropën Lindore pa ndihmën e drejtpërdrejtë të SHBA-së, ndërsa Uashingtoni e ndryshon..

botuar më 25-02-15 2.30.MD
Godina e MPJ-së në Sofje

Ministria bullgare e Punëve të Jashtme dënon deklaratat e kryeministrit të Republikës së Maqedonisë së Veriut

Deklaratat e fundit të kryeministrit të Republikës së Maqedonisë së Veriut, Hristijan Mickoski, në parlamentin në Shkup, se ai nuk sheh arsye për përfshirjen e bullgarëve në Kushtetutën e Maqedonisë së Veriut, shtrembërojnë realitetin dhe minojnë përpjekjet..

rinovuar më 25-02-13 10.22.PD

Ngjarjet me adresë ballkanike

Turqia nderon viktimat e tërmeteve shkatërruese të vitit 2023 Turqia përkujtoi viktimat e tërmeteve të 6 shkurtit 2023, kur lëkundjet me magnitudë 7.7 në Turqinë Juglindore shkatërruan qytete të tëra, duke shkatërruar qindra mijëra jetë. Gati 54..

botuar më 25-02-08 9.35.PD