Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Presidenti po vazhdon konsultimet për zgjedhjet me partitë e përfaqësuara në Parlament

| rinovuar më 21-01-12 12.50.MD
Foto: BTA

Po vazhdojnë konsultimet e Presidentit Rumen Radev me rastin e organizimit të zgjedhjeve të ardhshme parlamentare. Sot po zhvillohen takimet e tij me partitë e përfaqësuara në Parlament pa bashkëqeveritarët – “Patriotët e Bashkuar”, të cilët shpallën se nuk e pranojnë ftesën.

Në takimin e vet me përfaqësuesit e forcës më të madhe parlamentare GERB Radev vuri në dukje se qëllimi i konsultimeve të iniciuara nga ai është rritja e besimit të votuesve. “Kjo kërkon dialog, pozita të hapura, kërkim të konsensusit dhe vendime të mira në interes të shtetasve bullgarë”, nënvizoi Presidenti.

Kryetarja e Parlamentit Cveta Karajançeva nga GERB tha se kohët e fundit në hapësirën publike përhapen mendime se zgjedhjet e ardhshme do të manipulohen, gjë që shkakton mosbesim në procesin zgjedhor. Ajo i drejtoi Presidentit Radev një qortim se po kontribuon për përhapjen e këtyre pohimeve.

Nga ana e vet Radev i bëri thirrje partisë GERB të sigurojë me kuti lëvizëse votimin e bullgarëve në karantinë, votimin me anë të postës të bullgarëve jashtë vendit, si dhe të shqyrtojë mundësinë për lejimin e mbikëqyrjes video të numërimit të fletëve të votimit.

Zëvendëskryeministri Tomisllav Donçev tha se nuk ka mundësi për të organizuar një votim me anë të postës në kuadrin e dy muajve.

Në takimin e Presidentit me Partinë Socialiste Bullgare (BSP) në opozitë liderja e saj Kornelija Ninova nënvizoi se opozita në Parlament është e gatshme të shqyrtojë ndryshime në Kodin Zgjedhor, që të sigurojë mundësi për votim edhe për bullgarët që janë në karantinë. Ajo rikujtoi gjithashtu se partia e saj e ka përkrahur gjatë viteve të kaluara votimin me makina si një garant i votës. Mirëpo BSP shpalli se është kundër votimit në kuadrin e dy ditëve.




Последвайте ни и в Google News Showcase, за да научите най-важното от деня!

Më shumë nga rubrika

Në Bullgari fillon fushata zgjedhore për votën “2 në 1”

Nga ora 00:00 e datës 10 maj, Bullgaria është në një fushatë zgjedhore 30 ditore. Kjo është fushata e gjashtë për një parlament kombëtar brenda 3 viteve e gjysmë. Megjithatë, e veçanta është se tani për besimin e zgjedhësve do të konkurrojnë  si..

botuar më 24-05-10 5.15.PD
Presidenti Radev

Presidenti Rumen Radev: Së shpejti do të bëhet e qartë nëse Maqedonia e Veriut do të ndjekë rrugën drejt Evropës

Në Ditën e Evropës , le të urojmë për një Bashkim Evropian që vazhdon të ndërtojë unitetin e tij mbi parimet e demokracisë dhe paqes. Kështu tha presidenti Rumen Radev pas vendosjes së luleve para monumentit të Luftëtarit të Panjohur me rastin e..

botuar më 24-05-09 11.31.PD
Alfa Research

Parlamenti i ri duhet të transmetojë një qeveri koalicioni me të paktën 3 parti

Gatishmërinë për të votuar më 9 qershor kanë deklaruar 40% e të anketuarve në një anketë përfaqësuese kombëtare nga agjencia “Alfa Research”. 35 për qind do të votojnë për Parlamentin Evropian, sepse shumë komunitete bullgare në vendet jashtë..

botuar më 24-05-08 10.06.PD