Disa minuta para fundit të vitit 2020 Kreu i Shtetit Rumen Radev mbajti fjalimin e vet tradicional me rastin e Vitit të Ri drejtuar popullit bullgar. Në të ai deklaron se Bullgaria dhe bota po dërgojnë një vit të vështirë – me pandemi, e cila mori jetën e njerëzve tanë të dashur dhe na detyroi të mësohemi të jetojmë, punojnë, arsimohemi dhe të komunikojmë në një mënyrë të re.
“Mendimi im i parë sot është për bullgarët, të cilët e presin festën të vetmuar dhe në varfëri, të trishtuar, të dëshpëruar dhe të pabesë, për mijërat mjekë, infermiere dhe sanitarë, të cilët bartën peshën e fatkeqësisë që përjetuam, për të gjithë ata që punojnë sot në natën festive” – nënvizoi në fillim të fjalimit të vet Presidenti dhe shtoi se gjatë vitit 2020 jeta na ka rikujtuar se sa kushton liria, solidariteti dhe humanizmi.”
“2020-ta ishte edhe viti i zgjimit bullgar. Mijëra njerëz deklaruan vullnetin e tyre për t’i vënë fund gënjeshtrës, paligjshmërisë dhe korrupsionit. Vëllazëria e njerëzve të ndershëm lindi në shesh” – tha Kreu i Shtetit, duke na rikujtuar protestat kundër qeverisjes së vendit.
Konsensusi kundër mafies bashkon milionë bullgarë të ndershëm te ne dhe jashtë kufirit. Ndërsa mospërballimi i pandemisë, falimentimi i biznesit të vogël, varfëria dhe mungesa e drejtësisë vetëm ripohuan nevojën e madhe për reformë radikale” – theksoi Rumen Radev dhe rikujtoi se gjatë 2021-ës do të votojmë dy herë – për Parlament dhe për President. Sipas fjalëve të tij organizimi i tyre duhet të garantojë shëndetin dhe të drejtën e votës së çdo një bullgari, përfshi këtu sigurimin e votimit me makina dhe në distancë.
Kreu i Shtetit vuri në dukje gjithashtu se Bullgaria ka nevojë për liderë, të cilët të “fillojnë demontimin e modelit të shthurur, të forcojnë shtetin dhe ligjin, të ndërpresin vjedhjet, të ngrenë nivelin e arsimit, të shëndetësisë, shkencës dhe kulturës duke i shpallur prioritet të vërtetë, ndërsa njeriun - vlerë kryesore” .
Në fund të fjalimit të vet Rumen Radev na uroi një vit “në të cilin të kemi guximin, frymëzimin dhe vendosmërinë për ta realizuar atë ndryshim, për të cilin ëndërrojnë milionë bullgarë. Tani është koha!”Përpiloi: Krasimir Martinov
Përgatiti në shqip: Vesella Mançeva
Festivali “Varvara Kite Fest” përfshin klasa të mjeshtërisë, ekspozitë fotografike dhe kinema verore për fëmijë. Edicioni i katërt do të mbahet më 18 dhe 19 gusht në fshatin turistik Varvara, Komuna Carevo, njoftuan organizatorët nga “Mrekullitë e..
Në ditët më të nxehta të verës, anëtarët e Organizatës “Greenpeace” udhëtojnë në të gjithë vendin për të treguar se sa nxehtë është në mjedisin urban. Me ndihmën e kamerave termike zbulojnë temperaturën përreth ndërtesave, e cila në qytete si Plovdiv..
“48 orë Varusha-jug” mbahet në periudhën nga 16 deri më 18 gusht në qytetin Veliko Tërnovo. Festivali paraqet mundësitë e lagjes për kulturë, sport, aktivitete për të gjithë familjen, lidhje me natyrën, veprimtari edukative. Ngjarja është një nismë e..
Nënpresidentja Ilijana Jotova u takua me pjesëmarrësit e Konferencës së Tretë Ndërkombëtare të Udhëtimit "Bullgaria Piktoreske. Dialogët ndërdisiplinorë..
Pak ditë para fillimit të vitit të ri shkollor 2024-2025, lindi ideja e ndalimit të plotë të celularëve në shkollë. Arsyet kryesore për një vendim të..