Ishte shembur monumenti në bregun e Liqenit të Ohrit të Maqedonisë së Veriut, i vendosur në kujtim të 15 turistëve bullgarë të cilët vdiqën më 5 shtator 2009 pas fundosjes së anijes “Ilinden”, transmetoi BGNES.

Ishte asgjësuar “një pikë e stilizuar” me 15 trëndafila të gërshetuar prej metali në kujtim të incidentit tragjik.

Ministria e Punëve të Jashtme e Bullgarisë shprehu indinjatën e saj për përdhosjen e monumentit. "Një qëndrim i tillë ndaj kujtesës së turistëve të vdekur bullgarë është i papranueshëm," bëri të ditur MPJ-ja. Ministria e Punëve të Jashtme e Maqedonisë Veriore gjithashtu dënoi ashpër aktin e vandalizmit.

Sot me urdhër të Bashkisë së Ohrit monumenti u rimëkëmb, bëri të ditur në profilin e vet në Facebook kryetari i Bashkisë së Ohrit Konstantin Georgievski.