Pritet që sot të pakënaqurit nga qeverisja e Borisovit të ndërmarrin veprime të reja.

Gjatë protestës së djeshme njeri prej organizatorëve profesor Velisllav Minekov tha, se tani mendohen variante të reja. Sipas tij qëllimi është që jo vetëm Evropa por edhe mbarë bota të mësojë se çfarë ndodh në Bullgari.

Protestuesit deklaruan se nuk do të heqin dorë nga pozita e tyre prej qytetari edhe nëse u duhet të demonstrojnë deri në zgjedhjet e rregullta, sepse sipas tyre çdo ditë protestë është një për qind më pak për Borisovin.

Mbrëmja e radhës e protestës kaloi qetë dhe pa incidente. Turma në sheshin “Pavarësi” u bashkua edhe një pjesë e banorëve të lagjes së kryeqytetit “Gorubljane”.

Disa orë më herët ata protestuan për shkak të problemeve të pazgjidhura në lagjen ku banojnë dhe bllokuan arterien kryesore rrugore e cila lidh Sofjen me autostradën “Trakija”.