Kryeministri Bojko Borisov mbërriti në Greqi, ku bashkë me kryeministrin grek Kiriakos Mitsotakis ishte i pranishëm në një ceremoni zyrtare, në të cilën operatori bullgar i gazit u bë aksionar i barabartë në projektin për terminalin e gazit të lëngëzuar natyror afër Aleksandrupolisit.

Në Facebook Borisov nënvizoi se nënshkrimi i marrëveshjes do të lejojë që Bullgaria të përfitojë në një shkallë të plotë nga mundësitë e reja, që sigurojnë furnizimet e gazit të lëngëzuar natyror nga furnizime të ndryshme, përfshi këtu dhe nga SHBA-ja, Katari dhe Izraeli.

“Sot po e krijojmë historinë”, tha Borisovi para Mitsotakisit para ceremonisë zyrtare, në të cilën ishte e pranishme edhe Ambasadorja e SHBA-së në Bullgari Herro Mustafa.