“Rruga drejt ndryshimeve kushtetuese kalon përmes dorëheqjes së qeverisë dhe të kryeprokurorit, përmes vetëshpërndarjes së Parlamentit dhe zgjedhjeve të parakohshme.” Këtë e deklaroi Presidenti Rumen Radev, duke ecur në rrugën drejt majës Shipka, me rastin e festimeve të betejave heroike gjatë Luftës Ruso Turke, çlirimtare për Bullgarinë.

“Propozimet për ndryshim në Kushtetutë kanë qëllim fitimin e kohës dhe betonimin e statukuos" - deklaroi Rumen Radev. Sipas Presidentit mafia përpiqet ta fshehë korrupsionin dhe Parlamenti i tanishëm është i diskredituar. “Ai ka humbur legjitimitetin dhe dinjitetin e vet”, vuri në dukje Kreu i Shtetit.

Presidenti u prit duke u ngjitur deri në Monumenin e Lirisë në Shipka me duartrokitje dhe thirrje “Bullgaria”. Atje ai mbajti një fjalim dhe pas kësaj u vendosën kurora dhe lule para monumentit, i cili ruan kujtesën për sakrificën e vullnetarëve bullgarë dhe ushtarëve rusм, që morën pjesë në luftërat çlirimtare para 143 vitesh.