Festivali Ndërkombëtar i Xhazit “Varnensko Ljato” (Vera e Varnës) që nga viti 1992 e këtej zhvillohet çdo vit me pjesëmarrjen e muzikantëve nga mbarë bota dhe Bullgaria. Ky është festivali më i vjetër xhaz tek ne, i cili që nga vet fillimi është me pjesëmarrje ndërkombëtare. Koncerti i parë në edicionin e sivjetshëm të 29-të të festivalit është i trios Half Easy. Programi përfshin vepra të projektit me të njëjtin emër të perkusionistit Martin Hafizi. Albumi me po këtë program doli në tregun muzikor para disa vitesh në ekzekutim të autorit dhe trios së tij nga Niderlanda, ku Martin Hafizi jeton dhe punon. Te ne ai do të prezantojë pjesët bashkë me muzikantët Antoni Donçev – piano dhe Mihaill Ivanov – kontrabas.