Në rezidencën “Bojana” gjatë paraqitjes së Dokumentit Strategjik Kombëtar të përpunuar nga Këshilli Strategjik pranë Kreut të Shtetit Presidenti Rumen Radev akuzoi udhëheqjen autokratike 10 vjeçare për krizën në vend.

Sipas Radevit shteti është në një moment historik. Qytetarët kanë dalë nga gjendja e apatisë dhe e hipnozës së propagandës dhe pa frikë deklarojnë dëshirën e tyre për një shtet normal demokratik evropian. Thirrjet për dorëheqje dhe zgjedhje të ndershme me votim me makina dhe në distancë, të cilat dëgjohen jo vetëm tek ne, por edhe jashtë shtetit, janë fakt. Sipas Presidentit kriza e tanishme mund të përballohet vetëm me vullnet të bashkuar dhe pozitë aktive civile, transmetoi BTA.