Drejtori i Policisë Rajonale të qytetit Burgas Radosllav Sotirov dha dorëheqjen për shkak të kërkesës së Kryeministrit Bojko Borisov.

Para “Radio Burgasit” komisionari komentoi se merr përgjegjësinë e plotë për përplasjet në parkun “Rosenec”. Ai shpjegoi gjithashtu se ka marrë paralajmërim për zhvillimin në të njëjtën ditë të nismave të dy organizatave politike – Lëvizja për të Drejtat dhe Liritë dhe “Po, Bullgaria” dhe se dy grupet e protestuesve tani ndodhen në distancë 50 metra nga njëri-tjetri. Kjo është bërë me qëllim ruajtjen e rendit publik dhe sigurimin e jetës dhe shëndetit të qytetarëve.

“Nuk dua të pengoj askënd që të shkojë në plazh. Por pse dy grupet dëshirojnë ta bëjnë këtë pikërisht në këtë vend, në të njëjtën kohë – këtë nuk mund ta komentoj”, shtoi ish-drejtori i Policisë.

Ndërkohë u bë e qartë një pjesë e protestuesve nga nisma “Po, Bullgaria” janë shoqëruar nga policët për të bërë plazh në vijën bregdetare pranë rezidencës së liderit të nderit të Lëvizjes për të Drejtet dhe Liritë  Ahmed Dogan. 

Ministri i punëve të brendshme Mlladen Marinov shpalli se nuk do të pranojë dorëheqjen e drejtorit të Policisë në qytetin Burgas.