Pianisti i ri është ish-student në Akademinë Muzikore Kombëtare. Që nga vitet në akademi ai merr pjesë në projekte të lidhura me muzikën elektronike dhe me eksperimente të ndryshme. Dashuria e tij e madhe është muzika xhaz dhe improvizimet, mirëpo ka dhe dije dhe përvojë në muzikën klasike dhe në folklor. Projekti “Muzika nën pemën” është realizuar bashkë me aktoren Katerina Stojanova, me ndihmën e Bashkisë së Kryeqytetit dhe është pjesë e nismës “Solidaritet në kulturë”.

Historia e koncertit të transmetuar nëpërmjet videos më 28 qershor është shumë e ngjashme me shumë “spërthimet” të tjera kreative në kohën e karantinës. Dimitër, bashkë me të shoqen Katerina Stojanova u vetëizolua në Zllatica – një qytezë jo shumë larg Sofjes, ku familja e tij ka shtëpi. Atje lindi ideja për “Muzikën nën pemën” – koncert online në oborr ndër gjelbërinë, këngët e zogjve dhe pak lehje qeniesh. Shumica e pjesëve janë kompozuar nga Dimitër Gorçakov, kurse një prej tyre “Gjithësia” është shoqëruar me videospot, regjia e të cilit është bërë nga Katerina.

Dhe duhet të përmendim një hollësi interesante, të cilën me siguri do ta kuptojnë muzikantët profesionalë dhe adhuruesit e teorive të konspiracionit – pianoja elektrike e muzikantit është akorduar më 432 Hz për tonin la të oktavës së parë. Kjo është një frekuencë më e ulët e përdorur para ndryshimit më 440 Hz (sipas disa burimeve të bërë nga Goebbles dhe të afirmuar gjatë 1953-ës në një konferencë në Frankfurt të Organizatës Ndërkombëtare të Standardizimit). Besohet se frekuenca më e ulët sjell qetësi dhe harmoni shpirtërore. Videoja e “Muzikës nën Pemën” mund të shihet në internet deri në fund të korrikut.