Organizatat e prindërve dolën në protestë para godinës së Kuvendit Popullor për shkak të Ligjit për Shërbimet Sociale, i cili hyn në fuqi sot. Ai duhej të hynte në fuqi më 1 janar sivjet, por ishte shtyrë 6 muaj për shkak të protestave të shumta kundër tij.

Para disa ditësh Ministrja e politikës sociale Denica Saçeva shpjegoi se gjatë këtyre 6 muajve ishin organizuar 3 diskutime të hapura me pjesëmarrjen e organizatave të qytetarëve dhe profesionale, siç edhe diskutime ndër deputetët.

Sot përfaqësuesit e organizatave të prindërve thanë se ligji ishte diskutuar vetëm me organizata të afërta me ministren sociale, jo me palët e interesuara. Ata janë kategorikë se do të vazhdojnë protestat çdo të mërkurë deri në anulimin e Ligjit për Shërbimet Sociale.