Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Kreativiteti i oftalmologëve nga Varna solli sukses real në mbrojtjen kundër virusit

Foto: Radio Varna

Kriza lindi një shpikje që do të përdoret në të ardhmen. Kjo bëhet jo rrallë në raste të tilla të krizës, kur psikika është nën presion të fortë. Mbrojtësja unike e fytyrës për oftalmologë është krijuar në Spitalin Universitar për Sëmundjet e Syrit. Studentja në lëndën e optometrisë Hatixhe Davidova ka krijuar, bashkë me firmën e bashkëshortit të saj, një mbrojtëse prej pleksiglasi që është e përshtatshme për të gjitha llojet e biomikroskopive. „Shpikja lehtëson mjekun, sepse nuk pengon punën me mikroskopin dhe në të njëjtë kohë siguron mbrojtje të plotë” – shpjegoi prof. dr. Hristina Grupçeva, drejtoresha ekzekutive e spitalit para mikrofonit të BNR-Varna.

„Ky mjet siguron mbrojtje të plotë për të dyja palët – mjekët dhe pacientët, dhe nuk bëhet fjalë vetëm për Covid-19. Gjëja tjetër e rëndësishme është se maskat, në se janë vendosur në mënyrë të drejtë – mbi hundën, çojnë në djersitje, kurse kjo mbrojtëse nuk e ka këtë efekt negativ, sepse ndodhet relativisht larg fytyrës dhe është e përshtatshme për të gjitha llojet e biomikroskopëve. Mund të pastrohet pas secilit pacienti – diçka që është tepër e rëndësishme, sepse fytyrat tona ndodhen në distancë vetëm 40 cm. prej pacientit, hyjmë në hapësirën e tij intime, s’është e mundshme të respektojmë distancën e rekomanduar gjatë vizitave. Tashmë kemi 45 porosi për punimin e mbrojtëseve”.

Spitali është gati të ndihmojë mjekët nga tërë vendi. Para katër javëve oftalmologët në Spitalin Universitar të Varnës kanë punuar vetëm me maska të vendosura para gojës së mjekut. “Kjo copë pëlhure nuk ofron asnjë mbrojtje, derisa kur përdorim mbrojtësen e re jemi plotësisht të siguruar në të gjitha situatat – gjatë kohës së epidemive ose kur ka më shumë raste të sëmundjeve të rrugëve të frymëmarrjes. Ajo mund të përdoret vazhdimisht” – shpjegoi prof. Hristina Grupçeva. Spitali i udhëhequr nga ajo vazhdon të pranojë pacientë që kanë nevojë për ndihmë urgjente mjekësore.

“Kemi siguruar të gjitha kushtet e domosdoshme për mbrojtjen e pacientëve tanë. Matim temperaturën e secilit vizituesi që hynë në godinë, pacientët mund të hyjnë vetëm me një shoqërues. Kërkojmë nga njerëzit të përdorin maska dhe doreza. Në se pacientët kanë nevojë për operacion, kemi një regjim të posaçëm, sipas të cilit ky pacient hyn në sallën e operacioneve dhe pastaj i nxjerrim nga spitali sa më shpejtë, kur gjendja e tyre lejon këtë”.

Përpiloi: Gergana Mançeva (sipas intervistës së Daniella Stojnova, BNR-Varna)

Përgatiti në shqip: Jordanka Ivanova


Последвайте ни и в Google News Showcase, за да научите най-важното от деня!

Më shumë nga rubrika

Numri i studentëve të huaj në Bullgari është dyfishuar në një dekadë

Të huajt përbëjnë 8,6% (15 737) prej të gjithë studentëve në Bullgari. Numri i tyre për dekadën e fundit është dyfishuar. Këtë e tregojnë të dhënat e Qendrës Kombëtare të Informacionit dhe Dokumentacionit (NACID) për vitin 2024, të publikuara në..

botuar më 25-04-16 4.01.MD

Nga mbi 400 aplikantë, 10 praktikantë u përzgjodhën për INSAIT

Në vitin 2025, një numër rekord prej 4000 studentësh nga universitete elitare anembanë botës aplikuan për programin veror të kërkimit të Institutit për Shkenca Kompjuterike, Inteligjencë Artificiale dhe Teknologji – INSAIT pranë Universitetit të..

botuar më 25-04-16 12.08.MD

Bullgaria korr suksese në EXPO 2025 në Japoni

Pas 55 vitesh, Bullgaria u rikthye triumfalisht në EXPO 2025 në Osaka të Japonisë, dhe pavijoni i saj në ekspozitën botërore gëzon interes të madh. "Interesi i sipërmarrësve japonezë në lidhje me investimet tregon se jemi në rrugën e duhur", tha..

botuar më 25-04-15 3.55.MD