Numri i të infektuarve me COVID-19 në Bullgari arriti 185. Nga 6000 njerëz të testuar deri tashti në Bullgari 83 për qind nga të infektuarit janë në moshë deri në 60 vjeç. Këtë e tha gjeneral Vencisllav Mutafçijski nga Shtabi Operativ Kombëtar. Janë të hospitalizuar 30 njerëz. Piku i epidemisë do të jetë brenda 2 -3 javëve, por nuk mund të parashikohet numri i të infektuarve, mendon gjenerali. Vendimi eventual për zgjatjen e gjendjes së jashtëzakonshme do t’i bazohet dinamikës së situatës, shtoi Mutafçijski dhe parashikoi se deri në mesin e prillit situata do të frenohet. Duhet t’u ndihmojmë vëllezërve tanë në Maqedoni. Jemi dy popuj vëllazëror, tha kryeministri bullgar Bojko Borisov në lidhje me ndihmën e kërkuar nga Shkupi për mjete mbrojtëse. Përmes krizës kalohet me privime, mobilizim dhe unitet. Detyra jonë e dorës së parë është të mbrojmë jetën dhe shëndetin e njerëzve, shkroi në rrjetet sociale zoti Borisov. Masat kundër koronavirusit mërzit njerëzit dhe nuk sjellin dividendë politike, por janë të drejta dhe do të respektojmë deri në fund, premtoi kryeministri.