Prokuroria e Sofjes bëri të ditur se ka filluar kontroll të veprimeve të Bashkisë së Kryeqytetit të lidhura me parandalimin e përhapjes së koronavirusit në lagjet “Fakullteta”, “Filipovci”, “Hristo Botev”, “Dimitër Milenkov” dhe “Orllandovci”, ku banojnë kryesisht romë. Nga Kryetarja e Bashkisë së Sofjes Jordanka Fandëkova gjithashtu është kërkuar informacion për masat e ndërmarra ndaj grupeve të mëdha të shtetasve bullgarë, që janë kthyer nga shtete të rrezikuara dhe nuk e respektojnë karantinën e detyrueshme. Kryebashkiakja u drejtoi apel njerëzve të moshuar për t’u mbetur në shtëpi, ndërsa prindërit dhe të rinjtë të mos vizitojnë sheshet për fëmijë, sheshet sportive në parqe dhe kopshte. Sipas Fandëkovës po të ketë disiplinë nuk do të arrihet në shpalljen e karantinës së plotë në tërë vendin.