67 janë të infektuarit me koronavirusin në Bullgari. 5 janë rastet e reja, tha shefi i Shtabit Operativ Kombëtare gjenerali Vencisllav Mutafçijski. Herët në mëngjes u takuam me Kryeministrin dhe konstatuam se shumica e njerëzve respektojnë masat e shpallura kundër përhapjes së sëmundjes. Mirëpo, për shkak të grumbullimit të njerëzve para dyqaneve ditët e fundit kemi përgatitur kufizime suplementare, paralajmëroi Mutafçijski. Në hapësirat e hapura nuk duhet të grumbullohen më shumë se dy njerëz të rritur. Në radhët para ushqimoreve njerëzit duhet të jenë në një distancë prej të paktën 2 metrash. Ata të cilët punojnë në hapësira të mbyllura duhet të jenë të ndarë në ekipe të veçanta, që të kufizohet rreziku nga përhapja e virusit, tha shefi i shtabit.