Një burrë 78 vjeçar është shtetasi i dytë i Britanisë së Madhe në Bullgari i infektuar me koronavirusin. Më herët sot u njoftua se një fëmijë 9 vjeç nga Anglia është i infektuar me COVID-19. Ai ka mbërritur në vendpushimin Bansko në malin Pirin të Bullgarisë Jugperëndimore me familjen e xhaxhait. Rasti i fundit gjithashtu është në Bansko.

Me vendim të prokurorisë dhe me vendim të Shtabit të Krizës në Bansko ski-zona në vendpushim mbyllet urgjentisht. Shtetasit e huaj në Bansko do të vizitohen atje dhe do të plotësojnë deklarata se janë në dijeni të gjendjes së jashtëzakonshme në Bullgari.

Ski-zona në vendpushimin Pamporovo në malin Rodope gjithashtu mbyllet nga 17 deri në 29 mars në lidhje me përhapjen e COVID-19 në vend dhe duke pasur parasysh sigurinë e të gjithë turistëve në pushimore. Në hotelet e vendpushimit është siguruar ushqim në dhomat e turistëve.