Drejtoresha ekzekutive e Bordit Kombëtar të Turizmit Poli Karastojanova iu drejtua kryeministrit Bojko Borisov me propozim të krijohet një shtab kombëtar ekonomik, i cili të angazhohet me hartimin e programit njëvjeçar për shpëtimin e dy sektorëve më të prekur nga koronavirusi – turizmit dhe transportit. Ajo shtoi se do të jetë mirë që në të të përfshihen të gjithë ministrat me resorë ekonomik duke përfshirë edhe ministrin e financave. Sipas zonjës Karastojanova biznesi turistik është para falimentimit dhe duhet të hartohet një plan ekonomik për 12 muajit e ardhshëm që të ruhet industria turistike në Bullgari.
Dhoma Ekonomike Bullgare gjithashtu ngul këmbë për thirrjen e një biznes këshilli kundër krizës. Në  një letër dërguar kryeministrit dhoma shpreh shqetësimin e anëtarëve të vet për reflektimin negativ të krizës mbi punën e tyre. Për këtë arsye sipas Dhomës Ekonomike Bullgare është e domosdoshme një politikë kombëtare e cila të zbutë efektin negativ ekonomik.