Drejtori ekzekutiv i kompanisë “Bulgartransgaz” Vladimir Malinov  hodhi poshtë informacionet sipas të cilave punëtorët italianë të kompanisë saudite “Arkad”, të cilët po ndërtojnë gazsjellësin “Rryma Ballkanike”, e kanë mbartur koronavirusin në rajonin e qytetit Pleven (Bullgari Veriore).

Malinovi tha se personeli i “Arkad” është prej 550 vetash dhe vetëm 75 prej tyre janë italianë. Vetëm 25 prej italianëve kanë ardhur në Bullgari në periudhën pas 25 shkurtit dhe deri tani asnjëri prej tyre nuk i ka shfaqur simptomat e sëmundjes.

Të gjitha punëtorët në objektet e kompanisë, të cilat ndodhen në 5 qarqe të vendit,kontrollohen çdo ditë, nënvizoi Malinovi. Drejtori ekzekutiv bëri thirrje që të mos spekulohet me këtë temë, sepse objekti është me rëndësi kombëtare.