Partia në pushtet GERB nuk do të nisë apo të përkrahë veprime për shkarkimin e presidentit Rumen Radev nga detyra. Bullgaria nuk do të fitojë asgjë nga një luftë ndërmjet institucioneve.

“Nuk do të investojmë në kundërshtimin politik dhe nuk do të kontribuojmë për ndarjen e shoqërisë”, informoi Zëvendëskryeministri Tomisllav Donçev.

Kryetarja e grupit parlamentar të partisë GERB Daniella Daritkova nënvizoi se lufta mes institucioneve nuk është nisur nga GERB-i dhe ajo nuk është në favor të popullit bullgar.

Sa u përket pohimeve se nga GERB-i i kanë propozuar Partisë Socialiste Bullgare të bëjnë koalicion, Daritkova informoi se GERB-i kurrë nuk ua ka propozuar socialistëve formimin e qeverisë së përbashkët, kurse partia ka një pozitë të qartë të miratuar në kongres partiak, se nuk do të hyjë në koalicion me Partinë Socialiste Bullgare.