Bullgaria do të bashkëpunojë edhe më ngushë me Bjellorusinë në sferën e ekonomisë, turizmit dhe arsimit. Këtë e tha kreu i shtetit Rumen Radev në një takim me ministrin e punëve të jashtme të Bjellorusinë Vlladimir Makej në Sofje. Sipas presidentit zgjerimi i partneritetit të Bjellorusisë me BE-në siguron mundësi për lidhje më të ngushta midis të dy vendeve tona. Fushat e interesit reciprok janë edhe teknologjitë e informacionit, elektronika, bujqësia, riparimi i teknikës mbrojtëse.
Kjo është vizita e parë zyrtare e një ministri të punëve të jashtme të Bjellorusisë në Bullgari që nga vendosja e marrëdhënieve diplomatike midis dy vendeve.
Më vonë ministri Vlladimir Makej u takua edhe me zëvendëskryeministren dhe ministre e punëve të jashtme Ekaterina Zaharieva, e cila ripohoi se Bullgaria do të përkrahë Bjellorusinë në afrimin e saj me BE-në. Krahas kësaj vendi ynë ka gatishmëri të japë ndihmë me ekspertiza për avancimin e reformave në fushën e të drejtave të njeriut, demokracisë, superioritetit të ligjit.