Kryeministri Bojko Borisov dhe ambasadorja e ShBA-së Hero Mustafa hapën Sesionin e Parë të Dialogut strategjik Bullgari-ShBA, i cili zhvillohet sot në Sofje me pjesëmarrjen e një delegacioni amerikan.

Zv. Sekretari shtetëror David Hale, i cili duhej të ishte në krye të delegacionit amerikan nuk mbërriti në Sofje për shkak të situatës në Irak.

“Të gjitha gjërat, të cilat do t’i diskutojmë me aleatët dhe partnerët tanë bullgarë, do të jenë të dobishme për popullin bullgar. Ne duam një Bullgari të fortë, sepse në të vërtetë interesohemi për Bullgarinë dhe mendojmë se ajo meriton një të ardhme më të mirë”, tha Ambasadorja e ShBA-së Hero Mustafa.

Ajo informoi se gjatë marsit në Bullgari do të mbërrijë ndihmës sekretari shtetëror për çështjet konsullore të ShBA-së, për të diskutuar mundësinë për heqjen e vizave për shtetasit bullgarë. Para mysafirëve Kryeministri Borisov shpalli  se qeveria sot do të marrë vendim për blerjen e 20% prej terminalit për gaz të lëngët në Aleksandrupolis.

Më vonë sot Kryeministri Bojko Borisov do të udhëtojë për në Turqi, ku do të marrë pjesë në ceremoninë e inaugurimit të gazsjellësit “Rryma Jugore”.