Firma  gjermane, spanjolle, franceze, italiane dhe greke janë ndër koncesionerët e pritur për ndërtimin e autostradës së re “Danub – Egje”, tha inxhinieri Rumen Markov shef i firmës “Larzh Infrastrëkçër Proxhekts”. Kompanitë bullgare nuk iu përgjigjen kërkesës evropiane të kenë ndërtuar dhe të kenë operuar të paktën 150 kilometra autostradë. U zhvilluan bisedime me Bankën Evropiane të Investimeve dhe Bankën Evropiane për Rindërtim dhe Zhvillim, të cilat kanë interes të financojnë projektin. Ai u prezantua për diskutim edhe në kuadrin e politikës së re të BE-së për rrjetin transportues tranevropian (TEN-T). Gjatësia e autostradës Danub-Egje, e cila është pjesë e korridorit transportues Baltiku – Egjeu është 367.285 kilometra. Prej tyre 328 kilometra janë në Bullgari nga qyteti Ruse deri në Makaza. Shuma e parashikuar është 1.8 miliard euro.