Me ftesë të një prej kandidatëve për kryetar të Bashkisë së Varnës Kostadin Kostadinov dhe partisë “Vëzrazhdane” në Varna do të mbërrijnë vëzhgues evropianë nga Organizata për Sigurim dhe Bashkëpunim në Evropë. Ata do të ndjekin raundin e dytë të zgjedhjeve vendore më 3 nëntor. Vëzhguesit do të mbërrijnë ditën e shtunë, që t’ua sigurojnë qytetarëve bullgarë mundësinë e votimit të lirë, tha Kostadinov. Në raundin e parë Kryetari i Bashkisë së Varnës nga partia në pushtet GERB Ivan Portnih mori 49.31 për qind prej votave. Ai kishte nevojë vetëm për 500 vota, që t’i fitojë zgjedhjet që në raundin e parë më 27 tetor. Atëherë Kostadinov mbeti në vend të dytë me 14,30%.